റിയാദ്: പി.ടി.എ റഹീം എംഎല്‍എയുടെ മകനെ പോലീസ് അറസ്റ്റ് ചെയ്‌തെന്ന് സൂചന. സൗദി പോലീസാണ് അറസ്റ്റ് ചെയ്തത്. സാമ്പത്തിക തട്ടിപ്പുമായി ബന്ധപ്പെട്ട പരാതിയിലാണ് ഇയാള്‍ അറസ്റ്റിലായിരിക്കുന്നത്.
കേസിന്റെ വിവരങ്ങളൊന്നും ഇതുവരെ പുറത്തുവന്നിട്ടില്ല. അതേസമയം എംഎല്‍എയുടെയും കുടുംബത്തിന്റെയും ഹവാല ഇടപാടുകളെക്കുറിച്ചും സാമ്പത്തിക ശ്രോതസിനെക്കുറിച്ചും അന്വേഷണം നടത്തണമെന്ന് മുസ്ലിം ലീഗ് ആവശ്യപ്പെട്ടു.
ഇക്കാര്യം ചൂണ്ടിക്കാട്ടി ലീഗ് മുഖ്യമന്ത്രിക്കും ഡിജിപിക്കും പരാതി നല്‍കിയിട്ടുണ്ട്.
ടിക് ടോക് താരമായ ജിംനേഷ്യം പരിശീലകന്‍ കൊല്ലപ്പെട്ടു. അജ്ഞാതരുടെ വെടിയേറ്റ് കൊലപ്പെടുത്തി. ഡല്‍ഹി ധര്‍മ്മപുര സ്വദേശിയായ മോഹിത് മോര്‍ എന്ന ഇരുപത്തിയേഴുകാരനാണ് കൊല്ലപ്പെട്ടത്. ഡല്‍ഹി ധര്‍മ്മപുരയിലായിരുന്നു സംഭവം. ധര്‍മ്മപുരയിലെ ഫോട്ടോസ്റ്റാറ്റ് കടയില്‍ സുഹൃത്തുമായി സംസാരിച്ചുനില്‍ക്കുന്നതിനിടെയാണ് മോഹിതിന് നേരേ ആക്രമണമുണ്ടായത്. കടയിലേക്ക് ഇരച്ചുകയറിയ മൂന്നംഗസംഘം മോഹിതിന് നേരേ വെടിയുതിര്‍ക്കുകയായിരുന്നു. 13 ബുള്ളറ്റുകളാണ് അക്രമികളുടെ തോക്കുകളില്‍നിന്ന് നിറയൊഴിച്ചതെന്ന് പോലീസ് പറഞ്ഞു. ഗുരുതരമായി പരിക്കേറ്റ മോഹിതിനെ ഉടന്‍ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അക്രമികള്‍ മുഖംമൂടി ധരിച്ചിരുന്നു. കൃത്യം നടത്തിയതിന് […]
സംഗീത സംവിധായകന്‍ ദീപക് ദേവിന്റെ അമ്മയുടെ സ്വര്‍ണ്ണാഭരണങ്ങള്‍ മോഷ്ടിച്ചു. നാലു പവന്‍ വളയും ആറു പവന്‍ മാലയുമാണ് നഷ്ടപ്പെട്ടത്. കണ്ണൂരിലെ ഒരു ഹോട്ടലില്‍ വെച്ചാണ് മോഷണം നടന്നത്. വിവാഹ ചടങ്ങില്‍ പങ്കെടുക്കാനായി ഇവര്‍ കണ്ണൂരിലെത്തിയപ്പോഴായിരുന്നു സംഭവം. ഹോട്ടല്‍ മുറിയില്‍ ജനാലയ്ക്ക് സമീപമിരുന്ന ബാഗില്‍ നിന്നുമാണ് ആഭരണങ്ങള്‍ നഷ്ടപ്പെട്ടത്. മോഷണവുമായി ബന്ധപ്പെട്ട് കണ്ണൂര്‍ ടൗണ്‍ പോലീസ് കേസെടുത്ത് അന്വേഷണം ആരംഭിച്ചു.
