കോട്ടയം; കേരള സംസ്ഥാന ഭാഗ്യക്കുറിയുടെ പൂജ ബംബറിന്റെ ഒന്നാം സമ്മാനം അഞ്ച് കോടി രൂപ അടിച്ചത് കോട്ടയം സ്വദേശിയായ മെഡിക്കല്‍ ഷോപ്പ് ഉടമയ്ക്ക്. കുടയംപടി മെഡിക്കല്‍ കോളേജ് റോഡില്‍ കൊച്ചിവീട്ടില്‍ മെഡിക്കല്‍സ് ഉടമ എ പി തങ്കച്ചനാണ് അഞ്ച് കോടിയുടെ ഭാഗ്യം വന്ന് ചേര്‍ന്നത്. തങ്കച്ചനെടുത്ത ആര്‍ഐ 332952 എന്ന നമ്പര്‍ ടിക്കറ്റിനാണ് ഒന്നാം സമ്മാനം.
സാധാരണ ലോട്ടറി എടുക്കാറുളള സ്വഭാവക്കാരനല്ല താനെന്ന് തങ്കച്ചന്‍ പറഞ്ഞു. പളളിയില്‍ പോയി വരുന്ന വഴിയില്‍ ഏജന്റ് നിര്‍ബന്ധിച്ചപ്പോള്‍ രണ്ടെണ്ണം എടുത്തു. അതിലൊന്നിനാണ് സമ്മാനം ലഭിച്ചത്. ഞായറാഴ്ച പളളിയില്‍ പോയി മടങ്ങുമ്പോഴാണ് സമ്മാനം അടിച്ച വിവരം അറിയുന്നതെന്നും തങ്കച്ചന്‍ പറഞ്ഞു.
അനിമോള്‍ ആണ് തങ്കച്ചന്റെ ഭാര്യ. മക്കള്‍ ടോണി, ടെസ. സമ്മാനത്തുകയില്‍ ഒരു ഭാഗം കുടമാളൂര്‍ പളളിക്കും ഒരു പങ്ക് മെഡിക്കല്‍ കോളേജില്‍ എത്തുന്ന രോഗികള്‍ക്ക് മരുന്ന് വാങ്ങാനും നല്‍കുമെന്ന് അദ്ദേഹം വ്യക്തമാക്കി.
പൂജ ബംപര്‍ കോട്ടയം സ്വദേശിയായ മെഡിക്കല്‍ ഷോപ്പ് ഉടമയ്ക്ക്
വിവാഹാഭ്യര്‍ത്ഥന നിരസിച്ചു: 23കാരിയെ ജീവനോടെ ചുട്ടുകൊന്നു
വിവാഹാഭ്യര്‍ത്ഥന നിരസിച്ചതില്‍ വീണ്ടും പ്രണയവെറി. 23കാരിയെ ജീവനോടെ ചുട്ടുകൊന്നു. രാജസ്ഥാനിലാണ് സംഭവം. രാജസ്ഥാനിലെ സികര്‍ ജില്ലയിലെ നീം കാ താനാ ഗ്രാമത്തില്‍ ബുധനാഴ്ചയാണ് സംഭവം. ഗ്രാമത്തിലെ മത്സരപരീക്ഷാ പരിശീലനകേന്ദ്രത്തിലെ വിദ്യാര്‍ത്ഥിനിയായ സുനിത കുമാരിയെ സഹപാഠിയായ ബകേഷ് കുമാര്‍ എന്നയാളാണ് പെട്രോളൊഴിച്ച് കത്തിച്ചത്. സുനിത കുമാരിയോട് ബകേഷ് വിവാഹാഭ്യര്‍ത്ഥന നടത്തിയിരുന്നു. എന്നാല്‍ വിവാഹാഭ്യര്‍ഥന നിരസിച്ച സുനിതയെ വ്യാഴാഴ്ചരാത്രി പെണ്‍കുട്ടിയുടെ വീട്ടിലെത്തി ഇയാള്‍ പെട്രോളൊഴിക്കുകയായിരുന്നെന്ന് പൊലീസ് പറഞ്ഞു. പെണ്‍കുട്ടിയെ ബന്ധുക്കള്‍ ആശുപത്രിയിലെത്തിച്ചെങ്കിലും വൈകാതെ മരിച്ചു. തുടര്‍ന്ന് വിഷം കഴിച്ച് ആത്മഹത്യചെയ്യാന്‍ […]
ഭാര്യയുടെ മൃതദേഹം തറയില്‍, ഭര്‍ത്താവ് തൂങ്ങി മരിച്ച നിലയിലും
ദമ്പതികളെ വീടിനുള്ളില്‍ മരിച്ചനിലയില്‍ കണ്ടെത്തി. അഞ്ചലിലാണ് സംഭവം. 32 കാരനായ സുനിലും 26കാരിയായ സുജിനിയുമാണ് മരിച്ചത്. ഇന്ന് പുലര്‍ച്ചെയാണ് മരണം നടന്നത്. സുജിനിയുടെ മൃതദേഹം തറയിലും സുനിലിനെ തൂങ്ങിമരിച്ച നിലയിലുമാണ് കണ്ടെത്തിയത്. ഭാര്യയെ കൊലപ്പെടുത്തിയശേഷം സുനില്‍ തൂങ്ങി മരിച്ചതാകാമെന്നാണ് പോലീസ് നിഗമനം. ഇവര്‍ക്ക് മൂന്നുവയസ് പ്രായമുള്ള കുഞ്ഞുണ്ട്. മകള്‍ നിര്‍ത്താതെ കരയുന്നത് കേട്ടാണ് അയല്‍വാസികള്‍ എത്തുന്നത്. ആത്മഹത്യ ചെയ്യാനുണ്ടായ കാരണം വ്യക്തമല്ല.
