മീൻ തേങ്ങാപാൽ കറി തയ്യാറാക്കാം

Pavithra Janardhanan October 9, 2020

എല്ലാവർക്കും ഇഷ്ടമുള്ള ഒരു കറി ആയിരിക്കും മീൻ കറി അല്ലെ.ചോറിനൊപ്പമോ കപ്പക്കൊപ്പമോ ചപ്പാത്തിക്കൊപ്പമോ എല്ലാം നല്ല കോമ്പിനേഷൻ ആണ് മീൻ കറി.ഇന്ന് നമ്മൾ തയ്യാറാക്കുന്നത് മീൻ തേങ്ങാപാൽ കറിയാണ്.ഈസിയായി മീന്‍ കറി ഉണ്ടാക്കുന്നത് എങ്ങിനെയാണെന്ന് നോക്കാം.

ചേരുവകൾ

നെയ്മീന്‍-അര കിലോ (ദശ കട്ടിയുള്ള ഇതു മീനും എടുക്കാം )
ഇഞ്ചി-ഒരു ടേബിള്‍സ്പൂണ്‍(അരിഞ്ഞത് )
പച്ചമുളക് -മൂന്നു നാലെണ്ണം (നീളത്തില്‍ അരിഞ്ഞത് )
പുളി പിഴിഞ്ഞത് -ഒരു നാരങ്ങ വലുപ്പത്തില്‍ നിന്ന്
കൊച്ചുള്ളി-അഞ്ചു
കറിവേപ്പില-മൂന്നു ഇല
ജീരകം-അര ടീസ്പൂണ്‍
കട്ടി തേങ്ങാപാല്‍ -ഒന്നര കപ്പ്‌
മുളകുപൊടി-രണ്ടു ടേബിള്‍സ്പൂണ്‍
മല്ലിപൊടി-ഒന്നര ടേബിള്‍സ്പൂണ്‍
മഞ്ഞള്‍പൊടി-അര ടീസ്പൂണ്‍

താളിക്കാന്‍ ആവശ്യമായത് :-

കൊച്ചുള്ളി-മൂന്നു ( അരിഞ്ഞത് )
കറിവേപ്പില-ഒരു തണ്ട്
വെളിച്ചെണ്ണ-ഒരു ടേബിള്‍സ്പൂണ്‍
കടുക്-അര ടീസ്പൂണ്‍

തയ്യാറാക്കുന്ന വിധം

കൊച്ചുള്ളിയും കറിവേപ്പിലയും ജീരകവും പൊടികളും ചേര്‍ത്ത് അരച്ചെടുക്കുക.ഒരു ചട്ടിയില്‍ അറിഞ്ഞ ഇഞ്ചിയും പച്ചമുളകും പുളി വെള്ളവും ചേര്‍ക്കുക..അതിലേക്കു അരച്ചതും ചേര്‍ക്കുക.അതിലേക്കു മുറിച്ചു വൃത്തിയാക്കി വച്ചിരിക്കുന്ന മീന്‍ കഷ്ണങ്ങളും ചേര്‍ത്ത് അടച്ചു വച്ച് വേവിക്കുക.പത്ത് മിനിറ്റു കഴിഞ്ഞു അതിലേക്കു തേങ്ങാപാല്‍ ചേര്‍ത്ത് ഒന്ന് ചട്ടി ചുറ്റിച്ചു ഇളക്കുക.സ്പൂണ്‍ ഉപയോഗിക്കരുത് ..മീന്‍ പൊടിഞ്ഞു പോവും.വേവ് പാകമായി ചാറു കുറുകി വരുമ്പോള്‍ ഇറക്കിവക്കുക.മറ്റൊരു പാനില്‍ എണ്ണ ഒഴിച്ച് ചൂടാവുമ്പോള്‍ കടുകിട്ട് പൊട്ടിക്കുക.അതിലേക്ക് കൊച്ചുള്ളി അറിഞ്ഞതും കറിവേപ്പിലയും ഇട്ടു വഴറ്റി ഇത് കറിയില്‍ ചേര്‍ത്തിളക്കുക.പത്തിരുപതുമിനിറ്റു കറി മൂടി വക്കം..ഉപ്പും പുളിയും എരിവും ഒക്കെ മീനിലെക്കിറങ്ങി പിടിക്കാനനത് …അതിനു ശേഷം വിളമ്പാം…..

Read more about:
EDITORS PICK