ഇന്തോനേഷ്യയില്‍ ഭൂചലനം; ഏഴുമരണം, നൂറിലധികം പേര്‍ക്ക്​ പരിക്ക്​

Pavithra Janardhanan January 15, 2021

ഇ​ന്തോനേഷ്യയിലെ സുലവേലി ദ്വീപിലുണ്ടായ ഭൂചലനത്തില്‍ ഏഴുമരണം. നൂറിലധികം പേര്‍ക്ക്​ പരിക്കേല്‍ക്കുകയും ചെയ്​തു.വെള്ളിയാഴ്ച വെളുപ്പിന്​ ഒരുമണിയോടെയായിരുന്നു ഭൂചലനം. ഭൂചലനത്തിന്‍റെ പ്രഭവകേന്ദ്രം മജെനെ നഗരത്തിന്​ ആറു കിലോമീറ്റര്‍ വടക്കുകിഴക്കാണ്​.റിക്ടർ സ്കെയിൽ 6.2 തീവ്രത രേഖപ്പെടുത്തി. പരിഭ്രാന്തരായ ജനങ്ങള്‍ കെട്ടിടങ്ങളില്‍നിന്ന്​ പുറത്തേക്കോടി. നിരവധി കെട്ടിടങ്ങള്‍ നിലം പൊത്തിയിട്ടുണ്ട്​. ​

earthquake

60ഓളം വീടുകള്‍ തകര്‍ന്നു. ഏഴു സെക്കന്റോളം ഭൂചലനം നീണ്ടു നിന്നെങ്കിലും സുനാമി മുന്നറിയിപ്പ്​ നല്‍കിയി​ട്ടില്ല.രണ്ടു ഹോട്ടലുകളും വെസ്റ്റ്​ സുലവേസി ഗവര്‍ണറുടെ ഓഫിസും ഒരു മാളും തകര്‍ന്നതായാണ്​ വിവരം. ഭൂചലന​ത്തെ തുടര്‍ന്ന്​ മാമുജു പ്രദേശത്തേക്കുള്ള ഗതാഗതം സ്​തംഭിച്ചു. മാമുജുവിനെ പുറംലോകവുമായി ബന്ധിപ്പിക്കുന്ന പാലം തകര്‍ന്നതാണ്​ കാരണം. പ്രദേശത്ത്​ വൈദ്യുതി വിതരണവും നിലച്ചു. ഇതേ ​പ്രദേശത്ത്​ മണിക്കൂറുകള്‍ക്ക്​ മുമ്ബ്​ 5.9 തീവ്രത രേഖപ്പെടുത്തിയ ഭൂചലനമുണ്ടായിരുന്നു. ഇതില്‍ നിരവധി വീടുകള്‍ക്ക്​ കേടുപാടുകള്‍ സംഭവിച്ചിരുന്നു.

Tags:
Read more about:
EDITORS PICK